।।जय श्री राम।।
✍🏻सौ. स्वरूपा कुलकर्णी
राम माझा प्रिय राजा रघुराम।
प्रेममुर्ती भक्तचित्त सुखधाम।।
राम हा माझा शांतमूर्ती प्रेममुर्ती।
करी सदैव प्रेमाची कृपावृष्टी।।
राम भक्ता सोडवी सर्व दुःखातूनी।
सांभाळी सर्व भक्ता प्रतिदिनी।।
राम भक्तांचा सदैव पाठिराखा।
आनंदाचा कंद श्रीहरी माझा।।
रामाला ना प्रिय हिरे ना मोती।
त्याला प्रिय भक्त ह्रदयीचे प्रेम मनस्वी।।
राम यावा जीवनी राम क्षणोक्षणी।
उद्धरी जीवा तो नेऊनी सुखधामी।।
राम हा ह्रदयी भक्ता देई सुख सारे।
न पडावे अंतर रामा तुझ्या माझ्यात रे।।
राम राम सदैव राम रामच स्मरावा।
क्षण येईल तो मुक्तीचा अद्वैताचा रामाचा।।
Comments
Post a Comment